سياسة

المرشح مصطفى العويك :بلّشنا مسار التغيير ب 6 و 8 ايار، وباذن الله مكملين بـ 15 ايار.

اعتبر المرشح عن المقعد السني – دائرة طرابلس – لائحة انتفض للسيادة…للعدالة لموقع الفيحاء:

بأن كل راهن أنو مش رح تصير الانتخابات،
والكل قال لقوى التغيير ما تترشحوا ومش رح تشيلوا الزير من البير،

اليوم بدأت رياح التغيير تأتي من الاغتراب اللبناني يللي كان واقف دايماً جنب أهلو بلبنان وكان عايش همومهم وآلامهم.

اليوم عم نسمع من أهلنا بالاغتراب وخاصة في دائرة الشمال الثانية (طرابلس، المنية والضنية) صوت عالي ضد هالمنظومة السياسية الفاسدة،

عم يقولوا لا للوعود الكاذبة يللي صرعنا فيها الميقاتي ولائحتو يللي عم تضحك عالناس.
عم يقولوا لا لكلّ مين استغل الشعب والفقراء لغاياتو الشخصية ومنافعو، وعمل لوايح ما بتشبه نسيج المدينة…

فعلاً كتير شعرنا بفخر لما قالولنا المغتربين: ايه المرشح المحامي مصطفى العويك ولائحة انتفض للسيادة للعدالة: بيشبهونا وبيشبهوا مدينتنا وقيمها وأفكارها
ايه لائحة انتفض للسيادة للعدالة بتحمل مشروع وبرنامج وهي لائحة بتتوفّر فيها مقوّمات اللائحة القوية صاحبة المشروع الواضح والرافض لقوى السلطة بكل أشكالها.

بلّشنا مسار التغيير ب 6 و 8 ايار، وباذن الله مكملين بـ 15 ايار.

ما تستسلموا وما تضعفوا.

التغيير آت آت آت لا محالة باذن الله، بس بدو جهد وارادة وقرار.

مقالات ذات صلة

اترك تعليقاً

زر الذهاب إلى الأعلى